Nike賽前走返多少

今年Nike件跑衫好靚，今日就試著一下。

近期操練差不多"全停"狀態，皆因右膝仲有d痛，不過星期日報左Nike，係咁意都要就返些少幫補下。結果尋日自己jog左6km，今日就同Tom齊齊jog 10km。

無操自然狀態奇差，雖然今日天氣出奇地正(凍凍地)，但走起上尼一d都唔輕鬆，Tom少就好我好多，難怪佢上次半馬跑得仲快過我，無計啦！真係跌得太多，搞到今年連渣打都未報，諗住睇下操成點再算，如果操極唔起的話，就索性罷跑一年！

操埋聽日同星期五，星期日就去馬，希望唔好慢過50'/10km啦。