好似做高溫瑜伽

今日六點半後落去大王爺，果仲熱法，要親身試下先至會體會得到。

比較遲既關係，跑友都已經跑晒出去，只好獨自起步，跑 到唔夠1k，已經見到羅Sir返緊尼，打個招呼繼續向前跑，速度就大約5'/km，雖然唔係好快，但已經感覺到好濕，而且仲係越跑越濕，越跑越多汗，跑到 3k左右，撞到忍者回程，於是跟佢調頭，同佢邊跑邊談論國家大事(美國，中國與香港)。

回程果3k，流汗程況更嚴重，成身都濕晒，十足十玩完高溫瑜伽一樣。返到去拿林飲水補充嚴重流失既汗水，之後行過去幫友做cool down既地方，見到成班幫友同rayray一樣，濕到無倫！

以前尼講中秋過後，天氣會開始轉涼，而家就完全feel唔到，睇尼以後熱天既日子會越尼越長，冬天就越尼越短，末來，冬天或者唔會再係香港出現！

總計今日入數6km 時間：30'18"97